რუსულმა გამოცემა Pro Kazan-მა ყაზანის “რუბინის” წარუმატებელ თამაშზე სტატია დაწერა და რა თქმა უნდა ხვიჩა კვარაცხელიაც ახსენა.
ლეონიდ სლუცკის გუნდს რუსეთის პრემიერ ლიგაში 18 ტურის შემდეგ პლეი აუტის ზონასთან მხოლოდ 3 ქულა აშორებს.
“ყველა ამბობდა, რომ რუბინის ქართველი ფეხბურთელი ხვიჩა კვარაცხელია ყაზანს დატოვებდა და კარიერას ევოპულ კლუბში გააგრძელებდა. ეს ინფორმაციები უშედეგო აღმოჩნდა და ახალგაზრდა ფეხბურთელი რუბინში დარჩა. იმედგაცრუებული ხვიჩა კრიზისსა და დეპრესიაში ჩავარდა. ეს მდგომარეობა კი მთელ გუნდს გადაედო.ხვიჩას სატრანსფერო ღირებულება არ იკლებს. ის კვლავ 18 მილიონი ევრო ღირს, რისი ერთ-ერთი მთავარი მიზეზი ის არის, რომ ქართველმა შვედეთის ნაკრებს დუბლი შეუსრულა. არაა გამორიცხული, რომ ამ ზამთარში ხვიჩას შესაძენად რუბინს სერიოზულმა კლუბმა მიმართოს. თუ ასეთი რამ არ მოხდა, მოცდა ისევ ზაფხულამდე მოუწევს,”- წერს ყაზანური გამოცემა.
ცნობისთვის, ხვიჩა კვარაცხელიამ რუსეთის პრემიერლიგის მიმდინარე სეზონში 15 მატჩში 1 გოლი გაიტანა და 3 საგოლე გადაცემა დააგროვა.
