ბათუმის “დინამო” ისტორიაში პირველად საქართველოს ჩემპიონატის გამარჯვებული გახდა. აჭარულმა გუნდმა ეროვნულ ლიგაში 75 ქულა მოიპოვა, პირველი ადგილი დაიკავა და ქვეყნის ჩემპიონის ტიტული დამსახურებულად მოიპოვა.
გია გეგუჩაძის გაწვრთნილმა გუნდმა თასი დღეს გორის “დილასთან” მატჩის შემდეგ ბათუმის ულამაზეს სტადიონზე აღმართა.
კლუბის ფეხბურთელმა გიორგი ნავალოვსკიმ ჩემპიონობის შემდეგ crystalsport-თან ისაუბრა:
“ამ ხალხის გამო ღირს ყოველ წელს, რომ ჩემპიონი გახდე. ეს ისეთი ბედნიერებაა, რომ ვერ გამოვხატავ სიტყვებით. მართლა დაიმსახურა ამ ქალაქმა ჩემპიონობა და მადლობა ღმერთს, რომ ბოლომდე მივიყვანეთ მიზანი.” – განაცხადა გიორგი ნავალოვსკიმ.
