თბილისში ძიუდოს აკადემიაში საქართველოს ჩემპიონატის მესამე საშეჯიბრო დღე გაიმართა. 100 კილოგრამ წონით კატეგორიაში საქართველოს ჩემპიონი ილია სულამანიძე გახდა.
ილიამ ფინალში ონისე სანებლიძე დაამარცხა და ქვეყნის ჩემპიონის ტიტულიც მოიპოვა, ბრინჯაოს მედალოსნები ომარ საური და გიორგი ბერიაშვილი გახდნენ.
დღეს ასევე მედლები 90 კილოგრამ წონით კატეგორიაში გათამაშდა, ლუკა მაისურაძემ ფინალში გიორგი პაპუნაშვილი დაამარცხა და საქართველოს ჩემპიონის ტიტულო მოიპოვა, ბრინჯაოს მედლები იმედა გოგოლაძემ და უშანგი მარგიანმა მოიპოვეს.
73 კილოგრამ წონით კატეგორიაში ჩემპიონი გიორგი ტერაშვილი გახდა, 81 კილოგრამ წონით კატეგორიაში კი ოქროს მედალი ვლადიმირ ახალკაცმა მოიპოვა.
შეგახსენებთ, რომ 60 კილოგრამ წონით კატეგორიაში საქართველოს ჩემპიონი თემურ ნოზაძე გახდა, 66 კილოგრამ წონით კატეგორიაში კი ოქროს მედალი თენგო ზირაქაშვილს ერგო.
