აზერბაიჯანის დედაქალაქ ბაქოში მიმდინარე ძიუდისტთა გრან სლემზე, 90 კილოგრამ წონით კატეგორიაში ბექა ღვინიაშვილმა და ლუკა მაისურაძემ ბრინჯაოს მედლები მოიპოვეს.
ბექამ ბრინჯაოს მედლის მოპოვებამდე დიდი გზა განვლო, 26 წლის სპორტსმენმა 1/8 ფინალში რუსი მეტოქე დაამარცხა, 1/4 ფინალში აზერბაიჯანელ სპორტსმენს სძლია, ნახევარფინალში სამწუხაროდ იაპონელ მეტოქესთან დამარცხდა, მესამე ადგილისთვის ბრძოლაში კი ასევე იაპონელი გოკი ტაჯიმა დაამარცხა და კუთვნილი ბრინჯაოს მედალი მოიპოვა.
ლუკამ, ბექას მსგავსად მედლის მოპოვებამდე დიდი გზა განვლო, ახალგაზრდა სპორტსმენმა 1/8 ფინალში ტაჯიკი მეტოქე დაამარცხა, 1/4 ფინალში აზერბაიჯანელ მეტოქეს სძლია, ნახევარფინალში საწმუხაროდ ასევე აზერბაიჯანელ მამადალი მეჰდიევთან დამარცხდა, მესამე ადგილისთვის ბრძოლაში კი ყირგიზი მეტოქე დაამარცხა და კუთვნილი ბრინჯაოს მედალი მოიპოვა.
საქართველოს სახელით დღეს ასევე 100 კილოგრამ წონით კატეგორიაში მოასპარეზე ონისე სანებლიძე ბრინჯაოს მედლისთვის იბრძოლებს.
