უნგრეთის დედაქალაქ ბუდაპეშტში მიმდინარე 23-წლამდე ძიუდოისტთა ევროპის ჩემპიონატზე 100 კილოგრამ წონით კატეგორიაში ნახევარფინალში ილია სულამანიძე და გიორგი ჩიქოვანი ერთმანეთს დაუპირისპირდებიან.
ილიამ პირველ წრეში დაისვენა, 1/4 ფინალში კი შვეიცარიელი მეტოქე იპონით დაამარცხა და ნახევარფინალის საგზური მოიპოვა.
გიორგი ჩიქოვანმა ილიას მსგავსად პირველ წრეში დაისვენა, 1/4 ფინალში კი რუმინეთი მეტოქეს გაფრთხილებებით მოუგო.
ქართველი ძიუდოისტები წარმატებულ გამოსვლას სხვა წონებშიც განაგრძობენ, +100 კილოგრამ წონით კატეგორიაში გელა ზაალიშვილი და საბა ინანეიშვილი 1/4 ფინალში არიან, 81 კილოგრამ წონით კატეოგრიაში ტატო გრიგალაშვილი 1/4 ფინალში, ვლადიმერ ახალკაცმა კი 1/8 ფინალში უნდა იასპარეზოს. ქალთა ფლანგზე 70 კილოგრამ წონით კატეგორიაში მარიამ ჭანტურია 1/4 ფინალშია, მის მსგავსად სოფიო სომხიშვილიც ასპარეზობას 1/4 ფინალში განაგრძობს.
