საფრანგეთის დედაქალაქ პარიზში მიმდინარე ძიუდოისტთა გრანდ სლემზე 100 კილოგრამ წონით კატეგორიაში მოასპარეზე ონისე სანებლიძემ საქართველოს ნაკრებს მეოთხე მედალი მედალი მოუპოვა. ახალგაზრდა სპორტსმენმა მესამე ადგილისთვის ბრძოლაში ხორვატი მოწინააღმდეგე იპონით დაამარცხა და ბრინჯაოს მედალი მოიპოვა.
ონომ პირველ წრეში დაისვენა, 1/8-ში ფრანგი მეტოქე დაამარცხა, 1/4-ში რუმინეთი სახელით მოასპარეზე კუბელ ეშლი გონსალესთან დამარცხა, რეპეშაჟში მასპინძელ სპორტსმენს აჯობა, ბრინჯაოს მედლისთვის ბრძოლაში კი ზლატკო კუმრიჩი დაამარცხა.
შეგახსნებთ, რომ საქართველოს ნაკრებს აღნიშნულ ტურნირზე 4 მედალი აქვს, ტატო გრიგალაშვილმა ვერცხლის მედალი მოიპოვა, ეთერ ლიპარტელიანმა და ლუკა მაისურაძემ კი ბრინჯაოს მედალი მოიპოვა.
