ეროვნული ლიგის 29-ე ტურის მატჩში გორის “დილამ” შინ “სამტრედია” მიიღო და ანგარიშით 3:1 დაამარცხა.
მატჩის მე-11 წუთზე თორნიკე კაპანაძემ ელვისებური დარტყმით მასპინძლები დააწინაურა. შეხვედრის მე-40 წუთზე კამარას პასით ნიკა გაგნიძემ სხვაობა ორამდე გაზარდა. ტაიმის მიწურულს კი გიორგი არაბიძემ პენლატით წონასწორობა აღადგინა.
მეორე ტაიმში გორულმა გუნდმა მეტოქეზე ზეწოლა გააძლიერა, შეხვედრის 85-ე წუთზე თორნიკე კაპანაძემ დუბლი გაიფორმა და შეხვედრის საბოლოო ანგარიში დააფიქსირა.
29 ტურის შემდეგ, ანდრეი დემჩენკოს გუნდი ეროვნულ ლიგაში მე-3 ადგილზე იმყოფება, “სამტრედია” კი ბოლო ადგილს იკავებს.
მომდევნო ტურში გორის “დილა” თბილისის “ლოკომოტივს” ესტუმრება, გია ცეცაძის გუნდი კი ქობულეთის “შუქურას” უმასპინძლებს.
