ჩემპიონთა ლიგის მეორე ტურში, ტირასპოლის „შერიფმა“ მადრიდის „რეალი“ სანტიაგო ბერნაბეუზე სენსაციურად 1:2 დაამარცხა.
„სამეფო კლუბის“ თავკაცმა კარლო ანჩელოტიმ მარცხის შემდეგ მედიასთან ისაუბრა:
„იმედგაცრუებულები ვართ. გუნდი მშვენივრად უტევდა და კარგად გამოიყურებოდა, მაგრამ მცირე შეცდომების გამო დავმარცხდით. შეგვეძლო დასკვნით 30 წუთში უკეთ გვეთამაშა, მაგრამ ვერ გამოგვივიდა… რატომ? რთული ასახსნელია.
ეს წაგება ჩვენთვის გაკვეთილი იქნება. ეს იყო მარცხი, რომელიც არ დაგვიმსახურებია“, – განაცხადა კარლო ანჩელოტიმ
შეგახსენებთ, რომ სამეფო კლუბი მომდევნო შეხვედრას 3 ოქტომბერს ლა ლიგაში სტუმრად „ესპანიოლის“ წინააღმდეგ გამართავს.
