„ვალენსია“ ესპანეთის ლა ლიგის მე-6 ტურის მატჩს დღეს „სევილიასთან“ ჩაატარებს. შესაძლოა, მიმდინარე სეზონში პირველად, „ღამურების“ კარში არა 20 წლის ქართველი, არამედ ნიდერლანების ნაკრების გოლკიპერი, იასპერ სილესენი იდგეს.
ამ ინფორმაციას ცნობილი ესპანური გამოცემა MARCA ავრცელებს, რომელმაც „სევილიასთან“ მატჩისთვის „ვალენსიას“ სავარაუდო შემადგენლობაში სწორედ სილესენი ჩაწერა.
გიორგიმ გასულ ხუთ შეხვედრაში 4 გოლი გაუშვა. უკანასკნელ ტურში, მადრიდის „რეალის“ წინააღმდეგ მის გუნდს მძიმე მატჩი ჰქონდა. „ვალენსია“ თამაშის დასრულებამდე 5 წუთით ადრე მინიმალური სხვაობით იგებდა, თუმცა დარჩენილ დროში 2 გოლი გაუშვა და 1:2 დამარცხდა. ამასთან, კარიმ ბენზემას მომენტის დორს, ქართველ მეკარეს გამოსვლაზე აშკარად უკეთ თამაში მართებდა.
აღსანიშნავია ისიც, რომ სხვა ესპანური გამოცემების აზრით, ბორდალასი სასტარტო თერთმეტეულში ადგილს ისევ ქართველ მეკარეს ანდობს.
