20 სექტემბერს ხვიჩა კვარაცხელიას ყაზანის “რუბინი” რუსეთის პრემიერ-ლიგის მე-8 ტურში ჩემპიონატის ლიდერ “ზენიტს” მასპინძლობს
სერგეი სემაკს მარჯვენა ფლანგზე საკადრო პრობლემები აქვს, იქ, სადაც ხვიჩა კვარაცხელიას რეიდებია მოსალოდნელი.
“სუტორმინი ხომ თავდამსხმელია, ქართველი მას ერთ-ერთზე უბრალოდ “შეჭამს. არა გვგონია, რომ სერგეი სემაკი ასეთი დაუდევარი იყოს. კლუბის ერთ-ერთი ყველაზე ძვირი ფეხბურთელის წინააღმდეგ მოსალოდნელია, რომ ზენიტელებმა პენალტიც “აიკიდონ”. ასეთ ფლანგს კვარაცხელია იოლად გაარღვევს. ასე რომ, შესაძლოა, სემაკმა სხვა გზა არჩიოს.
სამაგიეროდ, ხვიჩას პრობლემები უნდა შეექმნას დაცვის დროს, რადგან ილია სამოშნიკოვი ტრავმირებულია და, სავარაუდოდ, ვერ ითამაშებს. “მარცხენა ფლანგი მოშიშვლდა, იქ მხოლოდ კვარაცხელიაა, რომელმაც საკუთარი საქმეც უნდა გააკეთოს და სამოშნიკოვისაც. არ არის გამორიცხული, რომ ზენიტმა შეტევის ეს ფლანგი დატვირთოს. იმედია, სამოშნიკოვი თამაშს შეძლებს”, – წერს kazanfirst.ru.
შეგახსენებთ, რომ 20 წლის ხვიჩა კვარაცხელიამ რუსეთის პრემიერ ლიგის 5 მატჩში 1 გოლი და 1 საგოლე პასი მიითვალა.
