ტულას “არსენალის” და საქართველოს ნაკრების ფეხბურთელი ზურიკო დავითაშვილი ყოფილ თანაგუნდელს ვახტანგ ჩარკვიანს ემშვიდობება. მოსკოვის ცსკა-სთან მატჩის შემდეგ სოციალურ ქსელში გამოსამშვიდობებელი პოსტი გამოაქვეყნა.
„დღეს შენი დღეა ჩემო ძმაო, ყველას გული დაგვწყვიტე და რთულია გადმოსცე ეს ტკივილი, მშვიდად განისვენე, მოგვენატრები და მუდამ ჩვენს გულში იქნები“, – დაწერა დავითაშვილმა.
შეგახსენებთ, რომ გუშინ თბილისის რესპუბლიკურ საავადმყოფოში კორონავირუსით „ვიტ-ჯორჯიას“ 20 წლის ფეხბურთელი ვახტანგ ჩარკვიანი გარდაიცვალა.
ახალგაზრდა ფეხბურთელი სამედიცინო დაწესებულებაში 12 დღის წინ მოათავსეს. მას ვირუსმა ფილტვები მნიშვნელოვნად დაუზიანა, რის გამოც ექიმებმა ფეხბურთელის გადარჩენა ვერ შეძლეს.
ვახტანგ ჩარკვიანი თბილისის თბილისის „დინამოს“ აკადემიის აღზრდილია, მისი ბოლო გუნდი კი „ვიტ-ჯორჯია“ იყო.
ტულას „არსენალმა“ რუსეთის პრემიერლიგის მე-7 ტურში მოსკოვის ცსკა-სთან შინ 2:2 ითამაშა, დავითაშვილი კი თამაში 59-ე წუთიდან ჩაერთო.
