ყაზანის “რუბინმა” ხვიჩა კვარაცხელია რუსეთის პრემიერ ლიგის განაცხადში შეიყვანა. მოგეხსენებათ, რომ 20 წლის ქართველი შემტევი რუსულმა კლუბმა განაცხადიდან 20 აგვისტოს ამოიღო.
ხვიჩას “კრილია სოვეტოვთან” არ უნდა ეთამაშა, თუმცა მეორე ტაიმში ლეონიდ სლუცკიმ მაინც ჩართო საქმეში, რის გამოც მან დატვირთვას ვერ გაუძლო და “კვარამ” უკანა კუნთის მცირე ტრავმა მიიღო.
13 სექტემბრს “რუბინი” პრემიერ ლიგის მე-7 ტურში “ურალს” ეთამაშება. ხვიჩას ამ თამაშში მონაწილეობის მიღების უფლება იმ შემთხვევაში აქვს, თუ იქამდე გამოჯანმრთელებას მოასწრებს.
შეგახსენებთ, რომ ყაზანის “რუბინს” 6 ტურის შემდეგ 11 ქულა აქვს და რუსეთის პრემიერ ლიგაში მე-5 პოზიციაზეა.
