უკრაინის პრემიერ ლიგაში მარიუპოლი” შინ 2:3 დამარცხდა ოდესის ”ჩერნომორეცთან”. ოდესურმა კლუბმა მიმდინარე სეზონში პირველი გამარჯვება მოიპოვა.
აღსანიშნავია, რომ ”ჩერნომორეცის” რიგებში გიორგი წიტაიშვილის ოფიციალური დებიუტი შედგა, 20 წლის ქართველმა მოედანზე 90 წუთი გაატარა და მოედანზე ერთ-ერთი საუკეთესო იყო, თუმცა საგოლე კომბინაციებში მონაწილეობა არ მიუღია.
მატჩის შემდეგ ”ჩერნომორეცის” მთავარმა მწვრთნელმა იური მოროზმა წიტაიშვილის შესახებ ისაუბრა.
იური მოროზი:
“წიტაიშვილისგან მეტს ველით. მას მეტი შეუძლია, თუმცა დღეს მისი დრიბლინგები და რეიდები შესანიშნავი იყო. როცა ფორმაში შევა, გაცილებით უკეთ ითამაშებს”.
შეგახსენებთ, რომ გიორგი წიტაიშვილი “დინამო კიევიდან” იჯარის წესით თამაშობს “ჩერნომორეცში”. სეზონის სტარტი მან ტრავმის გამო გამოტოვა. გიორგიმ წლის დასაწყისში საქართველოს მოქალაქეობა მიიღო და საქართველოს ეროვნულ ნაკრებში თამაში გადაწყვიტა.
