საქართველის კალათბურთელთა ნაკრების კაპიტანმა, თორნიკე შენგელიამ „რუსთავი 2“-ის ეთერში, გადაცემა „სპორტის საათში“ სტუმრობისას, იმ კრიტიკისგან გამოწვეულ შედეგებზე ისაუბრა, რომელიც მან მოსკოვის ცსკა-ში გადასვლის შემდეგ მიიღო.
29 წლის კალათბურთელის თქმით, ასეთ დროს მნიშვნელოვანია სპორტსმენი მენტალურად ძლიერი იყოს, რადგან უსაფუძვლო კრიტიკის დროს გამოწვეული შედეგებით, მან შესაძლოა საკუთარ თავს რამე დაუშავოს, ან მძიმე ფსიქოლოგიური დარტყმა მიიღოს.
„ამ ყველაფრის გადატანა მარტივი არ არის. ამ პერიოდში მენტალურად უნდა იყო ძლიერი ადამიანი. მინდა დავგმო ის, რაც სხვადასხვა ტელევიზიებმა გააკეთეს, რაც იმ ხალხმა გააკეთეს, რომლებსაც მაყურებელი უყურებს და ჰგონიათ, რომ ამ საქციელით რამე რეიტინგს დაიწერდნენ. მინდა დავგმო მათი საქციელი, იმიტომ რომ უნდა იცოდნენ რამდენად რთულია ეს ადამიანისთვის. ყველა ერთ დონეზე მენტალურად ძლიერი ვერ იქნება. უნდა გაითვალისწინონ, რომ თუნდაც ახალგაზრდა სპორტსმენისთვის, თუნდაც გამოცდილი სპორტსმენისთვის როდესაც ასეთ განცხადებებს აკეთებენ, მათ ორ გზას უტოვებ – ან თავის თავს რამე მოუწიოს, გულში რამე ჩაიდოს და დეპრესიის ფორმებში გავიდეს ეს ყველაფერი, ან გულში ჩადებით აგრესია სხვა რამეზე გამოხატოს. მინდა თხოვნით მივმართო მათ, რომ სანამ ასეთ რამეს გააკეთებენ, ან დაწერენ, კარგად დაფიქრდნენ“, – განაცხადა საქართველოს ნაკრების კაპიტანმა.
