ლევან ყენიამ საფეხბურთო კარიერა დაასრულა, თუმცა ფეხბურთში დარჩა და სამწვრთნელო კარიერა დაიწყო. 30 წლის ქართველი გერმანიის რეგიონალური ლიგის კლუბ ”ერდინგენის” მთავარი მწვრთნელის, დმიტრი ვორონოვის ასისტენტი გახდა. ინფორმაციას გერმანული მედია ავრცელებს.
გასულ სეზონში ”ერდინგენი” რანგით მესამე ლიგიდან მეოთხე ლიგაში გავარდა.
ყენია იცავდა თბილისის ”ლოკომოტივის”, ”შალკეს,” ლვოვის ”კარპატის,” დიუსელდორფის ”ფორტუნას”, პრაღის ”სლავიას”, ლუქსემბურგის ”დუდელანჟისა” და ”საბურთალოს” ღირსებას.
უდიდესი ტალანტის მქონე ფეხბურთელმა მძიმე ტრავმების გამო შესაძლებლობები ვერ გამოავლინა.
ლევან ყენიამ საქართველოს ეროვნულ ნაკრებში 29 მატჩი ჩაატარა და 4 გოლი გაიტანა.
