ტოკიო 2020-ზე საქართველოს დელეგაციამ მეხუთე ოლიმპიური მედალი მოიპოვა.
ძალონსობის ტურნირზე, 96 კგ წონით კატეგორიაში საქართველოს სახელით მოასპარეზე უკრაინელმა ანტონ პლესნოიმ მესამე ადგილი დაიკავა.
26 წლის ძალოსანმა აკვრაში 177 კგ, ატაცში 210, ორჭიდის ჯამში კი 387 კგ დააფიქსირა და ბრინჯაოს მედალს დაესაკუთრა. საგულისხმოა, რომ ატაცში პირველი ცდის დროს პლესნოიმ მარცხენა ფეხის დაზიანება მიიღო, თუმცა წონა მაინც დააფიქსირა. მეორე ცდა ქართველ-უკრაინელ სპორტსმენს სწორედ ამ ტრავმის გამო ჩაუვარდა, თუმცა გადამწყვეტი მისვლა ტრავმის ფასად მაინც ზუსტად შეასრულა და 210 კგ-ს დაფიქსირებით საპრიზო სამეულში შევიდა.
შესაბამისად, ამ დროისთვის ქართული დელეგაციის ანგარიშზე 5 მედალია – 1 ოქრო, 3 ვერცხი და 1 ბრინჯაო აქედან ოთხი მედალი ძიუდოსტებმა მოიპოვეს. ოლიმპიური ჩემპიონი ლაშა ბექაური გახდა, ვაჟა მარგველაშვილმა, ლაშა შავდათუაშვილმა და გურამ თუშიშვილმა კი ვერცხლის მედლები მოიპოვეს.
