26 ივლისს ტოკიოში მიმდინარე ზაფხულის 32-ე ოლიმპიურ თამაშებზე მესამე საშეჯიბრო დღე ჩატარდება. ამ დღეს ქართული დელეგაციიდან შეჯიბრზე 5 სპორტსმენი იასპარეზებს.
მათი საშეჯიბრო განრიგი ასე გამოიყურება:
ეთერ ლიპარტელიანი (ძიუდო) – 06:00 საათიდან;
ლაშა შავდათუაშვილი (ძიუდო) – 06:00 საათიდან;
სახილ ალახვერდოვი (კრივი) – 06:15 საათიდან;
ნიკოლოზ ბასილაშვილი (ჩოგბურთი) – 07:30 საათიდან;
გიორგი ხარაბაძე (კრივი) – 13:50 საათიდან.
შეგახსენებთ, რომ საქართველოს დელეგაციამ ტოკიოს ოლიმპიადაზე ჯერჯერობით ერთი მედლის მოპოვება შეძლო. ძიუდოში, 66 კგ წონით კატეგორიაში ვაჟა მარგველაშვილი ოლიმპიური ვიცე-ჩემპიონი გახდა და ვერცხლის მედალს დაეუფლა.
ტოკიო 2020 8 აგვისტომდე გაგრძელდება.
