ზაფხულის 32-ე ოლიმპიურმა თამაშებმა სტარტი ოფიციალურად აიღო. ოლიმპიადის გახსნის საზეიმო ცერემონია ტოკიოს ცენტრალურ სტადიონზე გაიმართა.
თამაშებში მონაწილეობას საქართველოს სახელით 34 სპორტსმენი მიიღებს და ისინი ძალებს სპორტის 11 სახეობაში მოსინჯავენ.
ოლიმპიადის საშეჯიბრო დღე ხვალიდან დაიწყება და ქართული დელეგაციიდან პირველივე დღეს 5 სპორტსმენი გამოვა.
04:30 სანდრო ბაზაძე – ფარიკაობა;
06:00 ლუხუმ ჩხვიმიანი – ძიუდო;
06:30 ესკერხან მადიევი – კრივი;
07:30 ნიკოლოზ ბასილაშვილი – ჩოგბურთი;
14:00 ირაკლი რევიშვილი – ცურვა.
შეგახსენებთ, რომ ტოკიოს ოლიმპიური თამაშები 24 ივლისიდან 7 აგვისტოს ჩათვლით გაიმართება.
