სამხრეთ კორეის ნაკრებისა და ყაზანის „რუბინის“ ნახევარმცველმა ჰვანგ ინ ბომმა კარიერის პირველ ევროპულ შეჯიბრში მონაწილეობაზე საკუთარ მოლოდინებზე ილაპარაკა და ხვიჩა კვარაცხელია ახსენა.
„ჩემთვის დიდი ემოციაა, ევროპულ შეჯიბრებებში რომ ვითამაშებ. იმედი მაქვს, რომ კვარაცხელიასთან ერთად ჯგუფურ ეტაპზე გავალთ. ამ საოცარ მოთამაშესთან არანაირი პრობლემა არ შეგვექმნება. მასთან ერთად ჩვენ ნებისმიერი გუნდის დამარცხება შეგვიძლია”, – განაცხადა ინგ ბომმა „რუბინის“ საკლუბო „ინსტაგრამის“ გვერდზე ჩართვისას.
შეგახსენებთ, რომ ხვიჩას მიმართ ინტერესს რამდენიმე ევროპული კლუბი ავლენს, მათ შორისაა მიუნხენგლადბახის „ბორუსია“, რომელიც მზადაა ქართველი ფეხბურთელისთვის 15-დან 20 მილიონ ევრომდე გადაიხადოს.
„რუბინი“ კონფერენს ლიგის გათამაშებაში მესამე საკვალიფიკაციო რაუნდიდან ჩაერთვება. ლეონიდ სლუცკის გუნდი ლიეტუვას „სუდუვას“ და პოლონეთის „რაკუვის“ წყვილის გამარჯვებულს ეთამაშება.
