ავსტრიულ გამოცემა krone-ში საქართველოს ნაკრებისა და გრაცის „შტურმის“ ნახევარმცველზე ოთარ კიტეიშვილზე გამოქვეყნებულ წერილში ამტკიცებს, რომ 25 წლის ქართველისთვის „შტურმი“ ახალ შეთავაზებას ამზადებს.
„სამი მილიონი ევროს საბაზრო ღირებულებით, ოთარი ჯონ სტანკოვიჩის შემდეგ (3,5 მილიონი ევრო) „შტურმის“ სამეფო გვირგვინის მარგალიტია და ასეც უნდა დარჩეს. სპორტულმა დირექტორმა შიკერმა მას გაუმჯობესებული კონტრაქტი შესთავაზა, რომლითაც ქართველი უკეთეს ხელფასს მიიღებს“, – წერს ავსტრიული გამოცემა და კიტეიშვილის მოკლე კომენტარს აქვეყნებს.
„ამას მალე განვიხილავთ, ყველაფერი დეტალებზეა დამოკიდებულია. გრაცში უკვე მეოთხე წელი ვთამაშობ, აქაურობა ძალიან მომწონს და სხვა შემოთავაზებები არც განმიხილავს. ახლა მთლიანად ახალ სეზონზე ვარ კონცენტრირებული“, – ამბობს ოთარ კიტეიშვილი.
