არის, ეკატერინე გორგოძე როლან გაროსის ძირითად ბადეშია. ქართველმა ჩოგბურთელმა საკვალიფიკაციო ეტაპის 3 ბარიერი წარმატებით გადალახა და კარიერაში პირველად დიდი სლემის გათამაშების ელიტაში შეაბიჯა.
ეკატერინე გორგოძის მეტოქე საკვალიფიკაციო ტურნირის ფინალში ნურია პარიზას დიასი გახლდათ. ესპანელი ჩოგბურთელები ზოგადად თიხის მოთამაშეებად ითვლებიან და თავისთავად გორგოძესაც რთული ბრძოლა ელოდა. თუნდაც საკვალიფიკაციო ეტაპის დასკვნით სტადიაზე შემთხვევით ხომ ვერავინ მოხვდება.
გორგოძის სასახელოდ უნდა ითქვას, რომ მან მთელი მატჩი სრული მობილიზებით და კონცენტრაციით ჩაატარა და ესპანელი მეჩოგნეც, რომელიც რეიტინგის 165-ე ნომერია ორ სეტში – 6:3, 6:4 დაამარცხა.
ამრიგად, ნიკოლოზ ბასილაშვილის გარდა, საფრანგეთის ღია პირველობის ძირითად ბადეში საქართველოს წარმომადგენელი გოგონებშიც ეყოლება.
