მილანის ტექნიკურმა დირექტორმა პაოლო მალდინიმ კლუბის ჩემპიონთა ლიგაში შესვლის შესახებ კომენტარი გააკეთა.
„ცხადია, ჩემპიონთა ლიგაში მოხვედრას ეკონომიკური ეფექტი აქვს, მაგრამ ჩვენთვის სპორტული კომპონენტი ასევე ძალიან მნიშვნელოვანია. ჩემპიონთა ლიგაში მოხვედრა და მსოფლიოს უძლიერეს კლუბებთან კონკურენცია, მათ დონეზე ასვლის მცდელობა კიდევ უფრო რთული გამოცდაა.
ამის წყალობით, არა მხოლოდ კლუბის, არამედ თავად ფეხბურთელების დონეც იზრდება. გასახდელში იბრაჰიმოვიჩმა იკითხა, მანამდე ვის უთამაშია ჩემპიონთა ლიგაში და ხელი მხოლოდ ჰაკან ალჰანოღლუმ ასწია. ეს აჩვენებს, თუ რამდენად რთულია ამ ტურნირში მოხვედრა, ”- თქვა მალდინიმ კლუბის Twitch არხის ეთერში.
