ლისაბონის „სპორტინგი“ პორტუგალიის ჩემპიონია. ეს ამბავი ჩემპიონატის დასრულებამდე ორი ტურით ადრე გაირკვა, მას შემდეგ რაც „სპორტინგმა“ საკუთარ მოედანზე „ბოავიშტა“ 1:0 დაამარცხა, 82 ქულა მოაგროვა და მეორეადგილოსანი „პორტუსთვის“ მიუწვდომელი გახდა.
ტრიუმფი ტრიუმფად, მაგრამ ნიშანდობლივი ფაქტია, რომ „სპორტინგი“ მიმდინარე სეზონში ჯერ არ დამარცხებულა. განვლილი 32 მატჩიდან მათ 25 მოიგეს და 7 ფრედ დაასრულეს. ასეთი ფაქტი კი პორტუგალიის ჩემპიონატში სულ 4-ჯერ მომხდარა.
აღსანიშნავია, რომ „სპორტინგმა“ ნანატრ ჩემპიონობას 19 წლიანი პაუზის შემდეგ უწია. ისიც სიმბოლურია, რომ ლისაბონური გუნდი ქვეყნის ჩემპიონი ისტორიაში მეცხრამეტედ გახდა.
მომდევნო სეზონში ლისაბონის „სპორტინგი“ პირდაპირ ჩემპიონთა ლიგის ჯგუფურ ეტაპზე იასპარეზებს.
