ავტორიტეტულმა ბრიტანულმა სააგენტო The Telegraph-მა, ტოტენჰემში ჟოზე მოურინიოს ბოლო დღე აღწერა.
პორტუგალიელი ბაზაზე ორშაბათ დილით მივიდა და ვარჯიშის ჩასატარებლად მზად იყო, მაგრამ ლონდონური კლუბისგან გათავისუფლების შესახებ შეიტყო. მას სთხოვეს თავისი ნივთები შეეგროვებინა და კლუბის ტერიტორია დაეტოვებინა.
მოურინიომ ნივთები შეაგროვა, შემდეგ კი ოთხი საათის განმავლობაში გუნდის ფეხბურთელებთან საუბრობდა. წყაროს ცნობით, ტოტენჰემის მთავარ გუნდში ფეხბურთელებმა ყველაფერი მოისმინეს, რასაც მწვრთნელი მათი თამაშის შესახებ ფიქრობდა. მან ძირითადი შემადგენლობის მოთამაშეები გუნდის ყველა სხვა წევრის თანდასწრებით მკაცრად გააკრიტიკა.
მწვრთნელისა და ფეხბურთელების ურთიერთობა ევროპა ლიგადან ზაგრების დინამოდან დამარცხების შემდეგ (2: 0, 0: 3) მკვეთრად გაუარესდა. ფეხბურთელები მუდმივად გრძნობდნენ დაძაბულობას და ვარჯიშზე „ღიმილის ეშინოდათ“.
ჟოზეს გათავისუფლების მომენტში, პრემიერ ლიგის ცხრილში ტოტენჰემი მე-7 ადგილზე იყო და 50 ქულა დააგროვა. დიდი შანსია, კლუბი ტოპ 4-ში ვერ მოხვდეს და შემდეგ სეზონში ჩემპიონთა ლიგის გარეშე დარჩეს.
