ევროპის სუპერლიგის შექმნას რომ ბევრი მოწინააღმდეგე ეყოლებოდა გასაკვირი ნამდვილად არ არის. უეფას და ფიფას რომ თავი დავანებოთ, საფეხბურთო წრეებში მოღვაწე ცნობილი პირები, მათ შორის მწვრთნელები და ფეხბურთელებიც ამ პროექტით აღფრთოვანებას არ გამოხატავენ.
მათ შორის არის „მანჩესტერ იუნაიტედის“ და ინგლისის ნაკრების ყოფილი ფეხბურთელი გარი ნევილიც. ახლო წარსულში გამოჩენილი ინგლისელი ფეხბურთელი ამ ამბავს ძალიან მკაცრად აფასებს.
„ეს სამარცხვინო ამბავია და დიდ სკანდალსაც გამოიწვევს. ჩემი აზრი „მანჩესტერ იუნაიტედს“ და ყველა იმ გუნდს უნდა რცხვენოდეთ, ვინც ეს პროექტი დააფუძნა და მასში მონაწილეობას აპირებენ.
ზოგადად ფეხბურთის განვითარების, წინსვლის და მოდერნიზაციის წინააღმდეგი არ ვარ, მაგრამ ეს მეტისმეტია. ყველა ის გუნდი, რომლებიც ამ რაღაც გაუგებარ სუპერლიგაში გაერთიანდნენ, თავიანთ ეროვნულ ჩემპიონატებში ქულები უნდა ჩამოაკლონ.
ყველაფერი ხომ მართლა ფულით არ ისაზღვრება. ეს ნამდვილი სიხარბე და თაღლითბაა. ამ ლიგის შექმნა კრიმინალი და დანაშაულია“ – ამბობს გარი ნევილი.
