რაგბის კავშირში ერთწლიან უთავბოლობას წერტილი დაესვა. ჯერ კიდევ 30 იანვარს ჩასატარებელი და რამდენჯერმე გადადებული საპრეზიდენტო არჩევნები, როგორც იქნა წლის მიწურლის, 30 დეკემბერს გაიმართა და რაგბის კავშირსაც ახალი პრეზიდენტი ჰყავს – ირაკლი აბუსერიძე.
პრეზიდენტობისთვის 3 კანდიდატი – გოჩა სვანიძე, ირაკლი აბუსერიძე და ბაჩო ხურციძე იბრძოდნენ, თუმცა ეს უკანასკლელი დღევანდელ ყრილობაზე საერთოდ არ გამოჩენილა, რადგან თვლის რომ არჩევნები არალეგიტიმურია და მას ბოიკოტი გამოუცხადა.
საბოლოოდ ქვორუმი მაინც შედგა. 43 ხმის მქონე დელეგატიდან აბუსერიძეს მხარი 31 დაუჭირა, სვანიძეს კი 12 ადამიანმა, ხოლო ხურციძეს არცერთი ხმა არ აუღია.
ირაკლი აბუსერიძეს საქართველოს ნაკრების მაისურით 85 კეპი აქვს მოხვეჭილი და ბორჯღალოსნების კაპიტანიც იყო. კარიერის დასრულების შემდეგ პოლიტიკაში გადაინაცვლა და “ქართული ოცნება – დემოკრატიული საქართველოს” წარმომადგენლის რანგში საქართველოს მე-9 მოწვევის პარლამენტის წევრი იყო.
ირაკლი აბუსერიძე რაგბის კავშირს მომავალი 4 წლით უთავკაცებს.
