ინგლისის ჩემპიონშიპში, „დერბისთან“ მარცხის შემდეგ, „ჰალ სიტის“ მთავარმა მწვრთნელმა, შოთა არველაძემ წაგების მიზეზებზე ისაუბრა:
„რთულია ავხსნა, რატომ გამოვიყურებოდით ასე სუსტად იმ კომპონენტებში, რომლებშიც ძლიერები ვართ. საუბარი გუნდურ მუშაობაზე, ორთაბრძოლებში შესვლასა და პირველი და მეორე ბურთების მოგებაზე მაქვს. მატჩი კარგად დავიწყეთ, მაგრამ მეტოქის კარის აღება ვერ მოვახერხეთ, პირველი გოლის შემდეგ კი ყველა ბურთი დავკარგეთ.
მეორე გოლის ეპიზოდში, ბურთი მეკარემ მოიგერია და ჩვენი 3 ფეხბურთელი ერთმანეთს უყურებდა, როცა მეტოქე გუნდის თავდამსხმელმა გაგვიტანა. გუნდურობაში და თავდაუზოგავ მუშაობაში ძლიერები ვართ და იმედგაცრუებელი ვარ, დერბიმ გამარჯვება ასე მარტივად რომ შეძლო. ეს იყო შეხვედრა, რომელშიც როგორც ორთაბრძოლები, ისე მეორე ბურთისთვის გამართული ბრძოლები, წავაგეთ“, – განაცხადა ქართველმა სპეციალისტმა.
შეგახსენებთ, რომ ჩემპიონშიფის 30-ე ტურში „ჰალ სიტის“ სტუმრად „დერბისთან“, რომელსაც უეინ რუნი წვრთნის, 3:1 დამარცხდა. არველაძის გუნდი სატურნირო ცხრილში 32 ქულით მე-19 ადგილს იკავებს. ჰალი მომდევნო შეხვედრას 12 თებერვალს, გამათამაშების ლიდერ – „ფულჰემის“ წინააღმდეგ გამართავს.
