საქართველოს ოლიმპიური ნაკრების მთავარმა ექიმმა, ზურაბ კახაბრიშვილმა ლაშა ბექაურის ტრავმასთან დაკავშირებით პირველი კომენტარი გააკეთა:
„ამ დროისთვის ლაშას მდგომარეობა სტაბილურია. მას სამედიცინო დახმარება და შესაბამისი გამოკვლევები უტარდება. მაგნიტო-რეზონანსული კვლევის დასკვნის შემდეგ, მისი მდგომარეობის შესახებ უფრო დეტალურ ინფორმაციას მოგაწვდით.
თავად სპორტსმენი თავს კარგად გრძნობს, დაწყნარდა და ჩვენც იმედს ვიტოვებთ, რომ ყველაფერი კარგად იქნება“, – განაცხადა კახაბრიშვილმა.
შეგახსენებთ, რომ ლაშა ბექაურმა მსოფლიოს ჩემპიონატის გუნდურ შეჯიბრზე, ფრანგ სედრიკ ოლივართან შეხვედრის ბოლოს მხარი დაიზიანა, რის გამოც ასპარეზობის გაგრძელება ვეღარ შეძლო.
