ტანვარჯიშის დარბაზში მისულს მას ჩვეულებრივად მოფუსფუსეს ნახავთ. სხვანაირად არც შეიძლება რომ იყოს. თავის საქმე ისევე პროფესიონალურად ასრულებს, როგორც რამდენიმე ათეული წლის წინ, როდესაც სპორტი და ბატუტზე ხტომა კი არა, ხალხს პური, შუქი, გაზი და ელემენტარული საყოფაცხოვრებო რამ ენატრებოდა.
მას მაღალი მიღწევების სპორტში ძალები არასოდეს უცდია, მაგრამ ქყვეყანას არაერთი პროფესიონალი სპორტსმენი კი აღუზარდა. მაგალითისთვის რუსუდან ხოფერია და ანა დოღონაძეც კმარა. ორივემ საერთაშორისო არენაზე დიდ წარმატებას მიაღწია.
ტოკიოს ოლიმპიური თამაშები კარს არის მომდგარი. რუსუდან ხოფერიას შემდეგ, ოთხწლეულის ამ უდიდეს სპორტულ ფორუმზე საქართველოდან ლუბა გოლოვინას გარდა არავის უასპარეზია.
„პრაიმსპორტი“ საქართველოს ბატუტისტთა ნაკრების მთავარ მწვრთნელს ზაურ ზულაშვილს ესაუბრა და ამ ინტერვიუსაც ქვემოთ გაახლებთ.
-ძალიან ბევრჯერ მიფიქრია, ბატუტზე ხტომა ოლიმპიური თამაშების პროგრამაში უფრო ადრე რომ შეეტანათ რა დიდი წარმატებები გვექნებოდა. ანა დოღონაძე და რუსუდან ხოფერია თავიანთი კარიერის პიკზე როდესაც იმყოფებოდნენ, ოლიმპიურ თამაშებზე არავის არაფერს დაუთმობდნენ.
აკი, დოღონაძემ, მართალია უკვე გერმანიის სახელით, მაგრამ ათენში მაინც მიაღწია თავისას. ის ნიჭი და პროფესიონალიზმი არ იკარგება. რუსუდან ხოფერიას ამბავი რომ მახსენდება ახლაც განვიცდი. სიდნეიშიც და ათენშიც ის მზად იყო მინიმუმ მედალი მაინც მოეპოვებინა. ოქოს მედალთანაც ხელის გაწვდენაზე იყო, უბრალოდ იღბალმა გვიმტყუნდა.
-ბატონო ზაურ, დღეს სპორტის ამ სახეობაში არსებულ სიტიაციაზე მინდა გკითხოთ. რა ვითარებაა? რას გვეტყოდით?
-სასიხარულოა, რომ ლუბა გოლოვინამ ოლიმპიური ლიცენზია მოიპოვა და ტოკიოში იასპარეზებს. დღეს ეს ჩვენი ბატუტზე ხტომისთვის ძალზედ მნიშვნელოვიანი. ლუბას უკვე წლებია ქართული ბატიტზე ხტომა საერთაშორისო ასპარეზზე გააქვ. მან თავისი მაღალი პროფესიონალიზმი უკვე არაერთხელ დაამტკიცა.
ძალიან დიდი იმედი მაქვს, რომ მას მხარს კიდევ ერთი ქართველი ბატუტზე მხტომელი აუბამს მხარს და ტოკიოში მხოლოდ ერთი წარმომადგენლით არ ვიქნებით.
-ვის გულისხმობთ?
-თენგიზ კოშკაძეს. მას ჯერ კიდევ 2012 წელს შეეძლო ლონდონის ოლიმპიური თამაშების ლიცენზიის მოპოვება. ფაქტობრივად უკვე იქ იყო, მაგრამ ბოლო ტურნირზე, მსოფლიოს ჩემპიონატზე არ გაუმართლა, ტრავმა მიიღო და ოლიმპიადის საგზურიც დაკარგა.
-თენგიზ კოშკაძე სპორტის და განსაკუთრებით ბატუტზე ხტომის მოყვარულებს ნამდვილად ემახსოვრებათ. ახლა სად ვარჯიშობს?
-ამერიკის შეერთებულ შტატებშია. გარკვეულ მიზეზთა გამო ოკეანისგაღმა წასვლა მოუხდა, თუმცა საყვარელ საქმეს არ შეშვებია. ის ისევ ვარჯიშობს და ტოკიოს ლიცენზიასთანაც ძალიან ახლოს არის.
-ეს ამბავი ნამდვილად სასიამოვნოა. უფრო კონკრეტულად გვითხარით…
-თენგიზ კოშკაძე უნიჭიერესი ბატუტზე მხტომელია. მას რომ მეტი იღბალი ჰქონოდა, ოლიმპიურ თამაშებზე აქამდეც ბევრჯერ მოხვდებოდა და შესაძლოა მედლისთვისაც ებრძოლა. აი, მაგალითად როგორც ზაქარია აბრამიშვილი. მის დროს ბატუტზე ხტომა ოლიმპიური თამაშების პროგრამაში არ იყო, თორემ დარწმუნებული ვარ ოქროს მედლის ერთ-ერთი მთავარი პრეტენდენტი იქნებოდა.
რაც შეეხება თენგიზ კოშკაძეს, როგორც გითხარით აშშ-ში წასვლის შემდეგ მას ვარჯიში არ შეუწყვეტია. სისტემატიურად მონაწილეობდა სხვადასხვა ტურნირებზე და ამჟამად რეიტინგში მეთოთხმეტე ადგილზეა. ოლიმპიურ ლიცენზიას კი ერთი საფეხურით ზემოთ ადგილი იძლევა. ასე რომ მას კარგი შანსი აქვს 34 წლის ასაკში სანუკვარ მიზანს მიაღწიოს.
-როდის და სად გაირკვევა თენგიზ კოშკაძის ლიცენზიის ამბავი?
-სულ მალე, აპრილში მსოფლიოს თასის ეტაპზე, რომელიც იტალიაში გაიმართება. ფინალში გასვლა შესაძლოა საჭირო არც გახდეს. მთავარია ბატუტზე დამაჯერებლად იხტუნაოს და საკმარისი ქულები დააგროვოს.
-როგორც მთავარი მწვრთნელი, საქართველოში ბატუტზე ხტომის მომავალს როგორ უყურებთ?
-არ დაგიმალავთ და კარგი და ნიჭიერი თაობა უფრო გოგონებში მოდის, ვიდრე ვაჟებში.