ირლანდიის ნაკრების ლეგენდამ როი კინმა ევროპის ჩემპიონატის ფინალური მატჩის შემდეგ ინგლისის ნაკრების ფეხბურთელები ჯეკ გრილიში და რაჰიმ სტერლინგი გააკრიტიკა.
„სტერლინგი ან გრილიში თუ ხარ, ახალგაზრდა ბიჭს შენზე წინ დადგომის საშუალება არ უნდა მისცე. 19 წლის მორცხვ ბავშვს პენალტი არ უნდა დაარტყმევინო, როცა მოედანზე მასზე გაცილებით მეტი გაქვს გატარებული და მასზე გამოცდილი ხარ“-განაცხადა კინმა
კრიტიკას თავის სოციალური ქსელში გამოქვეყნებული პოსტით უპასუხა ჯეკ გრილიშმა
„ვთქვი, რომ პენალტის დარტყმა მინდოდა!!! ევროპის ჩემპიონატის მიმდინარეობისას მწვრთნელმა ბევრი სწორი გადაწყვეტილება მიიღო და ამ საღამოსაც იგივე გააკეთა! თუმცა ხალხს არ ვათქმევინებ, რომ არ მსურდა, თერთმეტმეტრიანი შემესრულებინა, როცა ვთქვი, რომ მინდოდა“..-განაცხადა გრილიშმა
შეგახსენებთ, რომ “სამი ლომი” ევროპის ჩემპიონატის ფინალში 19 წლის ბუკაიო საკას გაფუჭებული პენალტის შემდეგ იტალიის ეროვნულ ნაკრებთან დამარცხდა.
