ბრიტანული „SKY SPORT“-ის ინფორმაციით, „მანჩესტერ სიტი“ ჯეკ გრილიშის შეძენით დაინტერესდა. „ქალაქელებს“ ფეხბურთელის დამატება ევროპის ჩემპიონატის დასრულების შემდეგ სურთ, თუმცა „ასტონ ვილას“ 25 წლის ფეხბურთელის გაშვება არ სურს და შემოთავაზებებსაც არ განიხილავს.
იმის მიუხედავად, რომ გუარდიოლას გუნდი ინგლისელი ფეხბურთელის შეძენას შეეცდება, კლუბის მთავარ სატრანსფერო სამიზნედ მაინც ცენტრალური თავდამსხმელის დამატება რჩება. „მანჩესტერ სიტის“ სერხიო აგუეროს ჩანაცვლება ჰარი კეინით, ან ერლინგ ჰალანდით სურს.
ჯეკ გრილიშმა პრემიერ ლიგის გასულ სეზონში, „ასტონ ვილას“ მაისურით 27 მატჩი ჩაატარა, სადაც 7 გოლი გაიტანა და 12 საგოლე გადაცემა შეასრულა.
