ავსტრალიის ქალაქ მელბურნში, საქართველოს ჩოგბურთელთა ნაკრები მორიგ მატჩს საბერძნეთის ნაკრების წინააღმდეგ მართავს.
გუნდების ლიდერების, ნიკოლოზ ბასილაშვილისა და სტეფანოს ციციპასის დაპირისპირების დროს, ქართველ ჩოგბურთელს სუნთქვის პრობლემები შეექმნა, რის გამოც შეხვედრის გაგრძელება ვეღარ შეძლო.
ნიკამ პირველი სეტის მიმდინარეობისას, როდესაც 4:1 მარცხდებოდა მსაჯს თამაშის დროებით შეჩერება სთხოვა. მას სამედიცინო კონსულტაცია ადგილზევე აღმოუჩინეს და ექიმების რეკომენდაციის შემდეგ მატჩიდან მოხსნის გადაწყვეტილება მიიღო. შესაბამისად, გამარჯვება სტეფანოს ციციპასს ჩაეთვალა.
შეგახსენებთ, რომ რამდენიმე კვირის წინ ნიკოლოზ ბასილაშვილმა კორონავირუსი გადაიტანა და შესაძლოა, სუნთქვის პრობლემები სწორედ პოსტკოვიდურ პერიოდს უკავშირდებოდეს. ჩოგბურთელის ჯანმრთელობის მდგომარეობის შესახებ დამატებითი ინფორმაცია ჯერჯერობით ცნობილი არ არის.
