ძიუდოს ყოველწლიურ მასტერსზე, რომელიც ყატარში, ქალაქ დოჰაში მიმდინარეობს. დღე არც თუ ისე კარგად წარიმართა და ექვსი ძიუდოისტიდან ფინალურ ბლოკში მხოლოდ ერთმა იჭიდავა.
-66კგ წონით კატეგორიაში, ბრინჯაოს მედლისთვის ბრძოლაში ვაჟა მარგველაშვილმა მოლდოველი მეტოქე, დენის ვიერუ გოლდენ სქორში ვაზარით დაამარცხა და საქართველოს ნაკრებს პირველი მედალი მოუპოვა.
ვაჟამ ტურნირი საკმაოდ კარგად დაიწყო და პირველ და მეორე ტურში რუს და ეგვიპტელ ძიუდოისტებს სძლია, თუმცა მეოთხედფინალში ისრაელის წარმომადგენელ ბრაუხ შიმაულოვთან გოლდენ სქორში იპონით დამარცხდა და რეპეშაჟში გადაერთო.
დამამშვიდებელ წრეში მარგველაშვილმა ყაზახი იერლან სერიკჟანოვი იპონით დაამარცხა და დოჰას მასტერსზე მედლის მოპოვების შანსი შეინარჩუნა, რაც საბოლოოდ მოახერხა კიდეც.
