ხორვატიის დედაქალაქ ზაგრებში მიმდინარე კადეტ ძიუდოისტთა ევროპის თასზე, 73 კილოგრამ წონით კატეგორიაში მოასპარეზე ლუკა ჯავახიშვილმა ოქროს მედალი მოიპოვა.
ახალგაზრდა სპორტსმენმა პირველ წრეში ხორვატი მეტოქე დაამარცხა, მეორე ეტაპზე მაიკლ ფიშს სძლია, 1/8 ფინალში ბენჟამინ ლევას მოუგო, 1/4 ფინალში კი გამარჯვებას მიჰალო სიმონს წინააღმდეგ მიაღწია.
ლუკამ ნახევარფინალურ შეხვედრაში კანადის სახელით მოასპარეზე ლაშა წაწალაშვილი დაამარცხა, ფინალში კი ერმან გურგენს სძლია და ჩემპიონის ტიტული მოიპოვა.
დღეს კიდევ ერთმა ქართველმა ძიუდოისტმა, ნოდარ ალაფიშვილმა ბრინჯაოს მედალი მოიპოვა.
ცნობისთვის, ლუკა ჯავახიშვილმა თავის კარიერაში საერთაშორისო ტურნირებზე ოქროს მედალი პირველად მოიპოვა.