მართლაც რომ ათასგვარ უცნაურობასთან გვიწევს შეგუება. პანდემიამ პარალელური სამყარო შექმნა და ბევრი რამ ძირფესვიანად ამოაყირავა. ერთი ცნობილი ქართული ანეგდოტის არ იყოს, კარგად თუ მოიქცევით აუზში წყალს ჩაგისხამთო, დაახლოებით ასეთი ამბავი ხდება ჩოგბურთში.
ნუ, მთლად ჩოგნის და ბურთის გარეშე ირბინეთ კორტზეო, საქმე მაქამდე არ მისულა, თუმცა ჩოგბურთელებს მსაჯები აღარ გინდათო კი უთხრეს.
მოკლედ, ასეთი ამბავია. სამეფო სპორტის ბოსების გადაწყვეტილებით, 2021 წელს, ჰარდზე გასამართი ყველა მასტერსი ხაზის მსაჯების გარეშე ჩაივლის. მათ მაგივრობას კი ე.წ. „ჰოკაის“ სისტემა ანუ სადავო შემთხვევებში გათამაშების ეკრანზე განმეორებითი ჩვენება გასწევს.
ამრიგად, უმსაჯოდ გაიმართება მაიამის, კანადის, ცინცინატის, პარიზის, შანხაის და ინდიან-უელსის მასტერსები.
ამას გარდა, ჩოგბურთის მამები ფიქრობენ, რომ რამდენიმე საგრუნტო ტურნირიც იგივე ფორმატით ჩაატარონ, თუმცა ჯერ საბოლოო გადაწყვეტილება არ მიუღიათ.
