დიახ, „თელავი“, რომელიც უკვე მეორე სეზონია უმაღლეს ლიგაში ასპარეზობს და საკმაოდ შეკრული და მებრძოლი გუნდის შთაბეჭდილებას ტოვებს, რის გამოც არაერთი ფეხბურთის გულშემატკივარი მის მიმართ სიმპატიებით განეწყო, ეროვნული ლიგის მეორე ტურში არც მეტი არც ნაკლები მალდინიმ დაღუპა.
ბრაზილიელი ახალწვეული, მაშინ, როდესაც „თელავს“ ერთი ბურთი ახალი გაქვითული ჰქონდა და წესით ფსიქოლოგიური უპირატესობაც კახელებს უნდა ჰქონოდათ, უხეშად შეცდა და „ლოკომოტივს“ კვლავ ორბურთიანი უპირატესობა მოაპოვებინა. პაბლო მალდინი ბურთს საკუთარი საჯარიმოსკენ იდეაში მეკარეს უბრუნებდა, მაგრამ მამია გავაშელიშვილს ჩააბარა, რომელიც თელაველთა კიპერ გიორგი ჩოჩიშვილთან პირისპირ აღმოჩნდა და ანგარიში 3:1 გახადა.
მანამდე კი იყო 3 გოლი, რომლებიც „ლოკომოტივის“ ფეხბურთელებმა გაიტანეს, ოღონდ აქედან ერთი საკუთარ კარში. თელაველთა სწრაფი კონტრშეტევისას, საჯარიმოში ჩაწოდებული ბურთი უბილავამ საკუთარ კარში ჩაჭრა და ანგარიში. ეს მაშინ მოხდა, როდესაც გია ჭიაბრიშვილის გუნდი 2:0 იგებდა. პირველ ტაიმში სიხარულიძემ პენალტით და სანდოხელიძემ „ლოკომოტივს“ სოლიდური უპირატესობა მოაპოვებინა.
მატჩის ბოლოსკენ კი „„თელავმა“ ანგარიშის მინიმუმამდე დაყვანა შეძლო. ლაშა შერგელაშვილმა ზუსტი საჯარიმო დარტყმით ბურთი მამარდაშვილის კარის ბადეში მოათავსა.
ამრიგად, ორი ტურის შემდეგ „ლოკომოტივსაც“ და „თელავსაც“ თითო-თითო გამარჯვება და მარცხი აქვთ. მომდევნო ტურში, 10 მარტს კახელები შინ „სამგურალს“ უმასპინძლებენ, ხოლო „ლოკომოტივი“ გორში ითამაშებს.
