2021 წელი ქართული ძიუდოსთვის გამორჩეული იქნება, რამეთუ პირველად ისტორიაში თბილისი მასტერსის ტურნირს უმასპინძლებს. ეს ყველაფერი მარტში მოხდება, მანამდე კი სეზონი დოჰაში გაიხსნება.
ყატარის დედაქალაქში არაერთი ქვეყნის უძლიერესი კიმონოისტები მოიყრიან თავს და ბუნებრივია მათ შორის იქნება საქართველოს ნაკრების. ჩვენი გუნდი დოჰაში გასამართ მასტერსზე 15 სპორტსმენით წარსდგება.
შეგახსენებთ, ეროვნულ ნაკრებს ლაშა გუჯეჯიანის სახით ახალი მთავარი მწვრთნელი ჰყავს. მანაც ყატარულ მასტერსზე, რომელიც 11-13 იანვარს გაიმართება უძლიერესი შემადგენლობის წაყვანა გადაწყვიტა. დოჰაში ასევე ვიხილავთ გოგონებსაც.
მაშ ასე, დოჰაში გაშლილ ტატამზე იასპარეზებენ:
60 კგ. – ლუხუმ ჩხვიმიანი; თემურ ნოზაძე
66 კგ. – ბაგრატ ნინიაშვილი; ვაჟა მარგველაშვილი
73 კგ. – ლაშა შავდათუაშვილი
81 კგ. – ლუკა მაისურაძე; ტატო გრიგალაშვილი
90 კგ. – ლაშა ბექაური; ბექა ღვინიაშვილი
100 კგ. – ვარლამ ლიპარტელიანი
+100 კგ. – გურამ თუშიშვილი; ლევან მათიაშვილი; გელა ზაალიშვილი
გოგონები:
52 კგ. – ტეტიანა ლევიტსკა-შუკვანი
57 კგ. – ეთერ ლიპარტელიანი
