ბათუმის “დინამო” ისტორიაში პირველად საქართველოს ჩემპიონატის გამარჯვებული გახდა. აჭარულმა გუნდმა ეროვნულ ლიგაში 75 ქულა მოიპოვა, პირველი ადგილი დაიკავა და ქვეყნის ჩემპიონის ტიტული დამსახურებულად მოიპოვა.
გია გეგუჩაძის გაწვრთნილმა გუნდმა თასი დღეს გორის “დილასთან” მატჩის შემდეგ ბათუმის ულამაზეს სტადიონზე აღმართა.
კლუბის ხელმძღვანელმა არჩილ ბერიძემ ჩემპიონობის შემდეგ crystalsport-თან ისაუბრა:
“უბედნიერესი ადამიანი ვარ, რომ ეს დღე დადგა. მთელს ქალაქს, მთელს ბათუმს მივულოცავ ამ წარმატებას და ეს ყოფილიყოს საწინდარი მრავალი ჩემპიონობის. მე მჯერა, რომ ჩვენ უფრო გავძლიერდებით და უფრო ძლიერი და წარმატებული გუნდი გახდება ბათუმის დინამო.” – განაცხადა არჩილ ბერიძემ.
