რამდენიმე დღეში სპორტის და განსაკუთრებით ბრძოლა წესების გარეშეს ქართველ გულშემატკივარს დიდი ვნებათაღელვა ელის. 21 მარტს, რომან დოლიძე მორიგ ბრძოლას გამართავს. ჩვენებურის მეტოქე ამერიკელი ტრევინ ჯაილსი იქნება.
ჯაილსმა, ახლახანს ერთ-ერთ გადაცემაში მომავალ მეტოქეზე ისაუბრა და აღნიშნა, რომ გამარჯვება აუცილებლად მას დარჩება.
„სიმართლე გითხრათ მის შესახებ აქამდე არაფერი ვიცოდი. როდესაც გადაწყდა, რომ რომან დოლიძესთან უნდა მეჩხუბა მასზე ინფორმაციის მოძიება დავიწყე. მოკლედ, შემოთავაზებას დავთანხმდი და მის რამდენიმე ბრძოლას ვუყურე, მაგრამ რომანზე ბევრს არ ვფიქრობ.
მისი ჩხუბების ნახვის შემდეგ დავრწმუნდი, რომ მაღალი დონის მებრძოლია და ადვილად ფონს ვერ გახვალ. ჩემი აზრით მის არსენალში საუკეთესო რაც არის ეს თავდაჯერებაა და არც ათლეტურობა დაეწუნება.
ვფიქრობ, მაყურებელს საინტერესო ბრძოლა ელოდება. ჩემი მომავალი მეტოქე არაპროგნოზირებადია. ვფიქრობ მასთან ბევრ რამეში მექნება უპირატესობა და თუ ყველაფერი გეგმის მიხედვით წარიმართა, მაშინ ალბათ მეორე რაუნდში გავიმარჯვებ“ – აღნიშნავს ტრევინ ჯაილსი.
ამერიკელი მებრძოლის აქტივში 13 გამარჯვება და 2 მარცხია.
