28 ივლისს ტოკიოს ოლიმპიურ თამაშებზე მორიგი საშეჯიბრო დღე აიღებს სტარტს. საქართველოს ნაკრების ღირსებას ძიუდოისტი ლაშა ბექაური და ჩოგბურთელი ნიკოლოზ ბასილაშვილი დაიცავენ.
ლაშა ბექაური პირველ წრეში პოლონელ პიოტრ კუჩერას დაუპირისპირდება. პოტენციურად მეოთხედფინალურ სტადიაზე მისი და უზბეკი დავლათ ბობონოვის გზები იკვეთება. წარმატების შემთხვევაში მისი პოტენციური მეტოქე ნიკოლოზ შერაზადიშვილი ან მიხაილ იგოლნიკოვი იქნება. 21 წლის ქართველი ტატამზე თბილისის დროით 06:00-ზე გამოვა.
ნიკოლოზ ბასილაშვილი თავისი მე-3 გამარჯვების მოპოვებას გერმანიის წარმომადგენელ ალექსანდრ ზვერევთან შეეეცდება. 28 წლის ქართველი ჩოგბურთელის შეხვედრა თბილისის დროით 06:00-დან დაიწყება.
შეგახსნებთ, რომ ზაფხულის 32-ე ოლიმპიურ თამაშებზე საქართველოს ორი ვერცხლის მედალი აქვს, ძიუდოში -66 კილოგრამში ვაჟა მარგველაშვილი ვიცე-ჩემპიონი გახდა, მის მსგავსად ვერცხლის მედალი -73 კილოგრამში მოასპარეზე ლაშა შავდათუაშვილმა მოიპოვა.
