საქართვეველოს კულტურის, სპორტის და ახალგაზრდობის საქმეთა მინისტრი რომ არც ისე დიდი ხნის წინ თეა წულუკიანი გახდა უცხო არავისთვის უნდა იყოს. სხვათა შორის, ეს პირველი შემთხვევაა, როდესაც სპორტის დარგს მანდილოსანი ხელმძღვანელობს თუ არ ჩავთვლით ქალბატონ ნონა გაფრინდაშვილს, რომელიც საქართველოს ეროვნული ოლიმპიური კომიტეტის პირველი პრეზიდენტი გახლდათ.
ქართველი ხალხისთვის ფეხბურთი ყოველთვის იყო, არის და იქნება სპორტის ნომერ პირველი სახეობა და მისდამი ინტერესი არასოდეს განედლება. მითუფრო თუ საქმე ეროვნულ ნაკრებს ეხება.
რა თქმა უნდა, ინტერესმოკლებული არ უნდა იყოს რას ფიქრობს ახალი მინისტრი საქართველოს ეროვნულ საფეხბურთო ნაკრებზე.
„ფეხბურთი ეროვნული სპორტია და ქართველობის ნაწილია. არასოდეს მიმაჩნდა მართებულად ქართველი კაცების მხრიდან ჩვენი ფეხბურთელების ლანძღვა და ბულინგი იმის გამო თუ რატომ ვერ მოიგეს ან წააგეს თამაში. ყოველთვის გამარჯვებული ვერ იქნები. ისე, ის მატჩები, რომლებსაც მე ვუყურე არ წაგვიგია.
მე არ ვიქნები ისეთი მინისტრი, რომელიც რომელიმე სპორტსმენს დააბულინგებს, იმის გამო, რომ მედალი ვერ ჩამოიტანა ან ვერ გაიმარჯვა, მაგრამ, წარუმატებლობაში დიდ თანხას ვერ ჩავდებთ. ასევე, გარკვეული სპორტისთვის ჟინის მიცემაც ცუდი არ არის” – აღნიშნა თეა წულუკიანმა.
