გუშინ FIFA-მ 2021 წლის საუკეთესო ფეხბურთელი გამოავლინა. მსოფლიო ფეხბურთის მმართველი ორგანოს ვერსიით წლის ფეხბურთელი რობერტ ლევანდოვსკი გახდა, მეორე ადგილზე ლეო მესი, მესამეზე კი მოჰამედ სალაჰი გავიდა.
შეგახსენებთ, რომ The Best FIFA Awards-ი, „ოქროს ბურთის“ ანალოგია, რომლის გამოკითხვაშიც მონაწილეობას მთელი მსოფლიოს მასშტაბით ეროვნული გუნდების მწვრთნელები, კაპიტნები და სპორტული ჟურნალისტები იღებენ.
გუშინდელი დაჯილდოების შემდეგ ცნობილი გახდა საქართველოს ფეხბურთელთა ეროვნული ნაკრების მთავარი მწვრთნელის და კაპიტნის არჩევანი.
ვილი სანიოლი:
1. ქარიმ ბენზემა (საფრანგეთი, რეალი),
2. რობერტ ლევანდოვსკი (პოლონეთი, ბაიერნი),
3. კილიან მბაპე (საფრანგეთი, პსჟ),
ჯაბა კანკავა:
1. ლიონელ მესი (არგენტინა, პსჟ),
2. ნგოლო კანტე (საფრანგეთი, ჩელსი),
3. ჟორჟინიო (იტალია, ჩელსი)
შეგახსენებთ, რომ რობერტ ლევანდოვსკი აღნიშნული ჯილდოს გამარჯვებული ზედიზედ მეორედ გახდა და ამით პოლონელმა ფორვარდმა კრიშტიანუ რონალდუს, რონალდინიოს და რონალდოს შედეგი გაიმეორა.
