კახა ცხადაძემ თბილისის „დინამოში“ პირველი გამარჯვება მოიპოვა. ეროვნული ლიგის მე-17 ტურში თბილისელები ეროსი მანჯგალაძის საზელობის სტადიონზე „სამტრედიას“ ესტუმრნენ და დამაჯერებლად გაიმარჯვეს.
კახა ცხადაძის გუნდმა ანგარიში 24-ე წუთზე რადინის გოლით გახსნა და ტაიმიც მინიმალური სხვაობით მოიგო.
„დინამო“ სათამაშო უპირატესობას მეორე ნახევარშიც ფლობდა და იმერლების კართან არაერთი რეალური მომენტი შექმნა. საბოლოოდ, თბილისური კლუბის შეტევებმა შედეგი მე-80 წუთზე გამოიღო. ახვლედიანმა მარუშიჩის საგოლე გადაცემა ზუსტად გამოიყენა და საბოლოო ანგარიში, 0:2 დააფიქსირა.
თბილისური გუნდი 17 ტურის შემდეგ 35 ქულით პირველ ადგილზე იმყოფება და „ბათუმის დინამოს“ მატჩს ელის. თავისმხრივ, გია გეგუჩაძის გუნდი ხვალ წყალტუბოს „სამგურალს“ ესტუმრება. რაც შეეხება სამტრედიას, ცეცაძის გუნდი 10 ქულით ბოლოსწინა მე-9 ადგილს იკავებს.
მომდევნო ტურში თბილისის „დინამო“ თანაქანაქელ „ლოკომოტივს“ შეხვდება, „სამტრედია“ კი თბილისში „საბურთალოს“ წინააღმდეგ შეეცდება მოუგებელი სერიის დასრულებას.
