ახლო წარსულში მსოფლიოს პირველი ჩოგანი სიმონა ჰალეპი კორონავირუსის საწინააღმდეგო ვაქცინით აიცრა. დიდი სლემის ტურნირების ორგზის ჩემპიონმა მკლავში Pfizer-ის წარმოების ვაქცინა შეიშხაპუნა და არც გვერდითი მოვლენები აშინებს.
„დიდი ხნის წინ მინდოდა ამის გაკეთება, მაგრამ ვერ ვახერხებდი. ახლა, კი როდესაც ეს შანსი მომეცა დაუფიქრებლად გამოვიყენე.
იმედი მაქვს, რომ უახლოეს პერიოდში კიდევ ბევრი ადამიანი აიცრება. ეს არ კმარა, მეორე მოგვიანებით დოზაც უნდა გავიკეთო, მაგრამ ნაწილობრივ უკვე დამშვიდებული ვარ, რადგან თავს შედარებით დაცულად ვგრძნობ.
თუ პანდემიის ერთხელ და სამუდამოდ დასასრულებლად ვაქცინაციაა საჭირო, მაშინ ამის წინააღმდეგი რატომ უნდა იყო? იმედი მაქვს, რომ გვერდითი მოვლენები არ შემაწუხებს“ – ამბობს სიმონა ჰალეპი.
22 წლის რუმინელი ჩოგბურთელი როლან გაროსის და უიმბლდონის ჩემპიონია. წლევანდელ ავსტრალიის ღია პირველობაზე კი მან წარმატებით ვერ იასპარეზა და ტურნირს შედარებით ნაადრევ ეტაპზე გამოეთიშა.
