ჟამიანობამდე ანუ ვიდრე მსოფლიოს ვირუსის სახით პანდემია დაატყდებოდა თავს და დიდი გამოწვევის წინაშე დადგებოდა, ევროპის ჩემპიონატი კალათბურთში მიმდინარე წლის სექტემბერში უნდა გამართლიყო.
პანდემიამ კი ყველაფერი თავდაყირა დააყენა და მათ შორის სპორტშიც. გადაიდო არაერთი მსხვილი სპორტული ფორუმი და იგივე ბედი ეწია ევრობასკეტსაც, რომელიც 2022 წლისთვის გადაიტანეს.
ბოლო ათწლეულში, ევრობასკეტის მიმართ ქართველ გულშემატკივარს ინტერესი სულ ჰქონდა, რადგან ჩვენი ეროვნული ნაკრები ტურნირის სისტემატიური მონაწილე იყო. ახლა კი ორმაგი ყურადღება გვაქვს მიპყრობილი, რადგან ამ მნიშვნელოვანი შეჯიბრის ერთ-ერთი მასპინძელი იტალიასთამ ჩეხეთთან და გერმანიასთან ერთად საქართველოც არის.
ევრობასკეტის წილისყრა 30 მარტს არის დანიშნულია და ჯგუფში ილიას ზუროსის გუნდის მეტოქეებსაც შევიტყობთ. თამაშები 1-7 სექტემბერს თბილისში გაიმართება.
ვინც არ იცის ვეტყვით, რომ ყველა მასპინძელ გუნდს უფლება აქვს თავის ჯგუფში ერთი ნაკრები თავად შეარჩიოს. ეს ძირითადად შემოსავალზეა გათვლილი. გუნდები ირჩევენ ისეთ ქვეყნებს, საიდანაც მეტ გულშემატკივრებს ელიან. საქართველოს თბილისში ლიეტუვას ხილვა სურდა, მაგრამ ბალტიისპირელებმა არჩევანი გერმანიაში თამაშზე შეაჩერეს.
ლიეტუვა ფიბას მეორე კალათაში ჰყავდა ჩასმული, სადაც იტალიის, ჩეხეთის და რუსეთის ნაკრებები არიან თავმოყრილნი. იქიდან გამომდინარე, რომ ჩეხეთი და იტალია ჩვენთან ერთად ევრობასკეტის თანამასპინძლები არიან მეტოქედ დარჩა რუსეთის ნაკრები. ასე რომ, თბილისში სათამაშოდ რუსეთის ნაკრები მოდის.
