საქართველოს ნაკრები კოსოვოსთან დამარცხდა

მსოფლიოს ჩემპიონატის საკვალიფიკაციო ეტაპის მე-4 ტურის მატჩში საქართველოს ნაკრებმა კოსოვოს ბათუმში უმასპინძლა და 0:1 დამარცხდა.

ჯვაროსნებს ტრავმის გამო გამოაკლდა შესანიშნავ ფორმაში მყოფი საბა ლობჟანიძე. აღსანიშნავია, რომ გიორგი წიტაიშვილი პირდაპირ სასტარტო შემადგენლობაში მოხვდა.

მატჩის მე-12 წუთზე ოთარ კიტეიშვილმა თამაში ვეღარ გააგრძელა და ის ჯაბა ჯიღაურმა შეცვალა. მალე სტუმრები დაწინაურდნენ. მარცხენა ფლანგზე ჩაწოდების მურიქისთან ბრძოლაში დავით ხოჭოლავამ ბურთი საკუთარ კარში ჩაჭრა. პირველ ტაიმში ბურთს საქართველოს ნაკრები აკონტროლებდა, მაგრამ მომენტებს ვერ ქმნიდა.

54-ე წუთზე საქართველოს ნაკრები აშკარა გოლს გადაურჩა. კასტრატი მეკარესთან პირისპირ გავიდა, მაგრამ ლორიამ გუნდი გადაარჩინა, შემდეგ დამატებაზე მურიქის კანკავამ დაუბლოკა.

მეორე ტაიმში ვითარება უკიდურესად დაიძაბა.
83-ე წუთზე კოსოვოელთაგან ჯარიმა ლორიამ ორჯერ მოიგერია, თუმცა მურიქიმ დაამატა და გოლი გაიტანა. თანამსაჯმა სტუმართა ფორვარდზე თამაშგარე დააფიქსირა, თუმცა ეპიზოდი VAR-ზე შემოწმდა. VAR – მა გადაწყვეტილება ძალაში დატოვა.

შეგახსენებთ, რომ 5 სექტემბერს საქართველოს ნაკრები ბადახოსში ესპანეთს ესტუმრება 8-ში კი უკვე ამხანაგურ მატჩს გამართავს  სტუმრად ბულგარეთში.