ევროპა ლიგის მერვედფინალური წყვილებიდან ყველაზე თვალისმომჭრელი აფიშა უეჭველი „მილანს“ და „მანჩესტერ იუნაიტედს“ ჰქონდა. ერთი ხელის მოსმით ვერ იტყოდი რომელი იყო ფავორიტი.
საბოლოოდ „წითელმა ეშმაკებმა“ იმძლავრეს და შინ ნათამაშები ფრის (1:1) შემდეგ, მილანში მინიმალური სხვაობით 1:0 იმარჯვეს.
იმედგაცრუებულია „როსონერის“ ექსტრავაგანტული ფორვარდი ზლატან იბრაჰიმოვიჩი. შვედი ფეხბურთელი თვლის, რომ წაგებას არ იმსახურებდნენ.
„ორივე მატჩში კარგად ვითამაშეთ. არაერთი მომენტი გვქონდა, მაგრამ ასეთია ფეხბურთი. გოლს თუ ვერ გაიტანე, მაშინ ვერ მოიგებ.
მეტოქემ თავისი შანსი გამოიყენა. მანჩესტერ იუნაიტედმა გაიტანა გოლი, რომელიც არ უნდა გაგვეშვა. საკუთარი შეცდომების გამო დავისაჯეთ.
გუნდში ყველანი იმედგაცრუებულები ვართ. ორი კარგი მატჩი ვითამაშეთ, მაგრამ ტურნირს მაინც გამოვეთიშეთ. ახლა წინ უნდა ვიყუროთ და იტალიის ჩემპიონატზე გადავერთოთ“ – აღნიშნავს ზლატანი.
