კვირას, მიხეილ მესხის სახელობის სტადიონზე საქართველოს მორაგბეთა ეროვნული ნაკრები რუსეთის ნაკრებს შეხვდება. მატჩი რაგბი ევროპის ჩემპიონატის ეგიდით ჩატარდება, რომელიც თავდაპირველად 2020 წლის მარტში უნდა გამართულიყო, თუმცა კორონავირუსის პანდემიის გამო გადაიდო.
რუსი „დათვების“ უელსელმა მთავარმა მწვრთნელმა ლინ ჯონსმა 28-კაციანი შემადგენლობა დაასახელა და რაოდენ გასაკვირიც არ უნდა იყოს, მათ რიგებში ქართველი მორაგბეები არ არიან.
როგორც ვიცით, რუსეთის ნაკრებში 3 ქართველი მორაგბე თამაშობს – შაკო ოდიშარია, გიორგი როყვა და ნიკოლოზ კაზალიკაშვილი. ირკვევა, რომ სამივე მორაგბემ ბორჯღალოსნების წინააღმდეგ თამაშზე უარი თქვა და ისინი 7 თებერვალს გასამართ მატჩში მონაწილეობას არ მიიღებენ.
Лин Джонс назвал состав из 28 игроков, которые 4 февраля днем отправятся на матч чемпионата Европы против Грузии в Тбилиси 🇷🇺
The Russia coaching group have selected a squad of 28 players for the upcoming Georgia x Russia game of Rugby Europe Championship 2020 🇷🇺 pic.twitter.com/ZyC7xzmaMJ
— Russian Rugby / Федерация Регби России (@RugbyRussia) February 3, 2021






