„ინდიანა პეისერსის“ ქართველმა ცენტრმა, გოგა ბითაძემ რუსთავი 2-ზე, გადაცემა „სპორტის საათში“ სტუმრობისას NBA-ში განვლილი სეზონი და საკუთარი თამაში შეაფასა:
„რთულია საკუთარი თავით კმაყოფილი იყო, როდესაც გრძნობ რომ მეტის თამაში შეგიძლია და ამის შესაძლებლობა არ გეძლევა. ეს მწვრთნელზე და გუნდზე არის დამოკიდებული.
რა თქმა უნდა ყოველთვის შეიძლება უფრო კარგად თამაში, მაგრამ ის დრო, რაც მომეცა მაქსიმალურად გამოვიყენე და სეზონი ნორმალურად ჩავატარე. ვფიქრობ გუნდს თამაშების მოგებაში ვეხმარებოდი, ეს არის ყველაზე მთავარი“, – განაცხადა გოგა ბითაძემ.
შეგახსენებთ, რომ ქართველი კალათბურთელის გუნდმა ნაციონალური საკალათბურთო ასოციაციის 2020/21 წლების სეზონში რეგულარული ჩემპიონატის სატურნირო ცხრილში 34 მოგებით და 38 მარცხით მე-9 ადგილი დაიკავა. ფლეი-ოფში კი „ვაშინგტონ ვიზარდსთან“ დამარცხდა და საჩემპიონო ბრძოლას გამოეთიშა.
