2021 წლის საჩოგბურთო სეზონი განსხვავებულად იწყება. იანვრის თვე ფაქტობრივად გაცდება და ავსტრალიის ღია პირველობაც უჩვეულო დროს, თებერვალში აიღებს სტარტს.
სულ ჩავარდნა, როგორც ეს წლევანდელი უიმბლდონის შემთხვევაში დაფიქსირდა, რა თქმა უნდა, ოდნავ მოგვიანებით გამართვა ჯობს. ჰოდა, მელბურნშიც, დიდი საჩოგბურთო ციებ-ცხელება 8 თებერვლიდან გაჩაღდება, მანამდე კი მონაწილეებს ორ კვირიანი კარანტინის გავლა მოუწევთ.
სასიხარულოა, რომ ავსტრალიის ღია პირველობას რაფაელ ნადალი არ გამოაკლდება. იყო მითქმა-მოთქმა, რომ შესაძლოა რაფას მელბურნში გამგზავრებისგან თავი შეეკავებინა, მაგრამ საბედნიეროდ ეს ვარაუდი არ გამართლდა. ესპანელი მატადორი, დიდი სლემების 20-გზის ჩემპიონი, დიდი მუზარადის ჯილდოს ოცდამეერთედ მოგებას შეეცდება. რაფას მელბურნში ასპარეზობა ოფიციალურად დაადასტურა მისმა აგენტმა ბენიტო პერეს-ბარბადილომ.
შეგახსენებთ, ნადალმა 2020 წელს როლანდ გაროსი და აკაპულკოს ტურნირი მოიგო, ხოლო სეზონი რეიტინგის მეორე ადგილზე დაასრულა.
